هذا صحيح عادي او مش عادي

حداث خطير جدا بنشوفه كل يوم وبنقول عادى
تعالى نسال الناس ونشوف ايه العادى

س: إنت بتصلي يا أستاذنا
ج: طبعا .. بس ممكن يعني فرض أو اتنين قضا كل يومين ولا حاجة العادي يعني
لا والله ولا له صله بالعادى

س: بتشرب كام سيجارة في اليوم يابو الشباب
ج: لا مش كتير الحمد لله .. مش باكمل علبة .. العادي يعني
عفوا يا صديقي، ولا ده العادى

س: بتحطي ماكياج وانتي خارجة يا مدام
ج: خفيف خالص .. مش over والله .. العادي يعني
عفوا أختي العزيزة، لابرده مش ده العادي

س: إيه يا شباب؟ بتشتموا بعض بالأم والأب ليه؟ بتتخانقوا
ج: لا ده هزار .. إحنا صحاب من زمان وواخدين على بعض .. ده العادي
عفوا يا أصدقائي، فليس هذا هو العادي

س: إنت بتشرب حشيش يا كابتن
ج: ممكن سيجارة كدة كل فترة .. العادي يعني
عفوا يا صديقي، فليس هذا هو العادي

س: إنتي لابسة طرحة ولبسك ضيق أوي يا مدموازيل
ج: أنا أعتبر محتشمة مش محجبة .. زي معظم البنات العادي يعني
عفوا أختي العزيزة، فليس هذا هو العادي
قالوا: هذه الأمور - وغيرها الكثير - هي التي يفعلها معظمنا فلا غرابة في أن نفعلها
نفسى أفهم شى ما هو المعيار للصواب والخطأ
اصبحنا نفعل ما يفعله الاغلب دون تفكير ولو كان خطأ

راى ان المعيار هو ديننا والاحكام الشرعية والعادات والتقاليد التى تتوافق معها ( اليس هو العادى )